لاہور۔ 25 مئی (اے پی پی) پی ڈی ایم اے پنجاب اچ آوݨ آلے زور دے طوفان پاروں ضیان دی رپورٹ جاری کرݙتی ۔ تفصیل ݙسیندے ڈائریکٹر جنرل پی ڈی ایم اے عرفان علی کاٹھیا ݙسایا ہفتے کوں آوݨ آلے تکھے طوفان دے نتیجے وچ صوبے دے مختلف شہراں وچ 14 بندے جاں بحق تھئن جݙاں جو 101 زخمی تھئن، ساریں توں ودھ ضیان صوبائی د??رالحکومت لاہور وچ تھیا جِتھاں آسمانی بجلی اَتے چھت ݙھݨ نال 3 بندے جاں بحق تھئے، ش??ر وچ وݨ ݙھݨ اَتے سولر پینلز دے ضیان دے واقعات وی رپورٹ تھئے، ایویں جہلم وچ 2 بندے جاں بحق، 32 زخمی، راولپنڈی، سیالکوٹ، ش??خوپورہ، گوجرانوالہ، میانوالی اَتے لیہ وچ وی اموات اَتے زخمیاں بارے رپورٹ ملی اے۔ انہاں ݙسایا جو زیادہ تر اموات پراݨے مکاناں دے ڈھݨ اَتے غیر محفوظ جہی?? تے ہووݨ پاروں تھئن، طوفان پاروں کئی کچے اَتے پراݨے مکاناں کوں ضیان پُڄا۔ ڈی جی پی ڈی ایم اے آکھیے صوبائی کنٹرول روم سودھے سارے ضلعیں دے ڈسٹرکٹ ایمرجنسی آپریشن سنٹرز کوں وی الرٹ کر ݙتا ڳئے، پی ڈی ایم اے کنٹرول روم وچ صورتحال دی مانیٹرنگ جاری اے، ش??ریاں توں اپیل کیتی اے جو خراب موسم دے الرٹس موجب غیر ضروری سفر توں پرہیز کرن، بجلی دے کھمبیں اَتے لڑکدیاں تاراں توں پرے رہن، آسمانی بجلی توں بچݨ کیتے محفوظ جہی?? تے رہن۔ انہاں آکھیے بجلی دی گاج اَتے طوفانی صورتحال وچ کھلے آسمان اصلوں نہ ونڄن، ٻالاں دا خاص خیال رکھن، انہاں کوں پراݨیاں عمارتاں دے نیڑے اصلوں نہ ونجݨ ݙیوݨ جݙاں جو ایمرجنسی دی صورتحال وچ پی ڈی ایم اے دی ہیلپ لائن 1129 تے کال کرن۔ ریلیف کمشنر پنجاب نبیل جاوید زخمیاں کوں بہترین طبی امداد ݙیوݨ دی ہدایت کریندے آکھیے صوبے دے کمشنرز، ڈپٹی کمشنرز، 1122 سودھے ٻئے ریسکیو ادارے مشینری سودھے عملے کوں الرٹ رکھن۔ انہاں آکھیے حکومت پنجاب دی پالیسی موجب متاثرہ خانداناں کوں مالی معاونت ݙتی ویسی۔
پنجاب وچ طوفان پاروں ضیان دی رپورٹ جاری ، 14 شہری جاں بحق، 101 زخمی
لاہور۔ 25 مئی (اے پی پی) پی ڈی ایم اے پنجاب اچ آوݨ آلے زور دے طوفان پاروں ضیان دی رپورٹ جاری کرݙتی ۔...
مضمون کا ماخذ : لاٹری کی تجزیاتی ایپ
